Ронда Раузи се врати и го победи својот идол за 15 секунди (ВИДЕО)

Ронда Раузи се врати во ММА по десет години и ја заврши кариерата на совршен начин. Легендарната Американка ја совлада Џина Карано за само 15 секунди, и тоа со својот заштитен потег – полуга на раката.

Раузи, која сега има 39 години, покажа дека и деценија надвор од октагонот не оставила премногу трага, бидејќи експресно ја заврши борбата против жената која ја нарече свој идол.

Од оваа борба, за поранешната УФЦ шампионка ова е 13-та победа во 15 професионални борби, а дури десет од нив ги заврши токму со полуга на раката.