Салах остро го нападна Слот

Мохамед Салах испрати остра критика кон менаџерот Арне Слот после поразот од Астон Вила.

Салах, кој после девет години го напушта Ливерпул испрати изненадувачка, но остра порака на социјалните мрежи.

„Го гледав овој клуб како од тим во кој се сомневаа станува клуб што верува, а потоа и шампион. За тоа беше потребна огромна работа и секогаш давав сè од себе за да помогнам“, напиша Салах.

Тој призна дека тешко му паднало да гледа како тимот повторно доживува болен пораз, потенцирајќи дека навивачите заслужуваат многу повеќе.

„Сакам повторно да го видам Ливерпул со тој ‘хеви-метал’ напаѓачки фудбал од кој противниците стравуваат и повторно да биде тим што освојува трофеи“, додаде Египќанецот.