Дома Фудбал Италија „Сакам Лацио да го освои Скудетото пред Јувентус, а потоа ние да ги елиминираме од ЛШ“

„Сакам Лацио да го освои Скудетото пред Јувентус, а потоа ние да ги елиминираме од ЛШ“

УЕФА планира сезоната во Лигата на шампионите да ја заврши во август, а елитното натпреварување според најавите би требало да продолжи со реваншите од осминафиналето на 7 и 8 август.

Еден од реванш натпреварите кои би требало да биде одигран е оној помеѓу Јувентус и Лион на „Алијанц стадионот“ во Торино.

Францускиот тим во првиот натпревар победи со 1:0 и се надева дека ќе го исфрли италијанскиот гигант од Лигата на шампионите. Инаку, Лигата на шампионите е единственото натпреварување во кое ќе игра Лион до крајот на сезоната после прекинот на лигата и купот во Франција.

Лион поради одлуката за предвремениот прекин остана без пласман во европските натпреварувања наредната сезона. Во Лион се надеваат дека ќе го елиминираат Јувентус и ќе му зададат тежок удар.

За тоа зборуваше кондициониот тренер во францускиот тим, Паоло Ронгони кој поодамна работеше во Лацио и Рома.

„Се надевам на сценарио во кое Лацио ќе им го земе Скудетото, а потоа ние ќе им зададеме тежок удар со елиминација од Лигата на шампионите“, изјави Ронгони.

Коментари
Advertisements
Прочитајте поврзани статии
Load More In Италија

Проверете

Преговорите започнаа: Третиот најбогат човек во светот го купува Милан

Италијанскиот гигант Милан наскоро би можел да добие нов сопственик и тоа еден од најбогат…