Пелегрино остана без работа: Саутемптон има сериозен проблем

На екипата на Саутемптон никако да и тргне оваа сезона, а „Светците“ моментално се наоѓаат само еден бод над зоната за испаѓање, па сега во прашање се доведува нивниот опстанок во Премиер лигата.

Лошите резултат беа крунисани со саботниот пораз од Њукасл, а го чинеа Пелегрино работа, со оглед на тоа дека челниците на Саутемптон одлучија да му врачат отказ на аргентинскиот стратег на осум кола до крајот на сезоната.

Инаку, Пелегрино во јуни изминатата година го замени Пуел на клупата на премиерлигашот, но челниците на клубот никако не се задоволни со неговата работа.

Ова е шеста во низа сезона на Саутемптон во ПЛ, а во изминатите пет ниту еднаш не завршиле под 14. позиција на табелата.