Официјално: Наполи му врачи отказ на Анчелоти!

Објавено на 23:55, 10 декември

Тоа што се најавуваше изминатите денови денес доби официјална потврда, Карло Анчелоти повеќе не е тренер на Наполи.

Наполи денес со 4:0 го победи Генк и обезбеди пласман во осминафиналето од ЛШ, сепак Де Лаурентис повеќе немаше трпение и одлучи да му даде отказ на Анчелоти.

Наполи во последните девет натпревари во сите натпреварувања е без победа, а атмосферата во тимот воопшто не е добра.

Наполи вечерва официјално му се заблагодари на соработката, а медиумите на Апенините се сигурни дека за нов тренер ќе биде назначен Џенаро Гатузо.