Озил во Фенербахче избра да носи чуден број

Се очекуваше Озил во Фенербахче да ја продолжи традицијата и да ја избере десетката која ја носеше во Арсенал.

Сепак, тоа не се случи. Озил во турскиот гигант ќе го носи дресот со број 67. Позната е причината зошто тој се реши за овој чуден број. Имено, Озил потекнува од Зонглудак, место кое има поштенски број 67.

Озил инаку е роден во Гелзенкирхен во 1988 година, потоа преку Шалке и Вердер дојде до дресот на Реал Мадрид од каде што се пресели во Арсенал.

При доаѓањето во Фенербахче објави дека е среќен и возбуден што ќе игра за клубот за кој навивал од детството.