Tренерот кој доби отказ во Челси брзо најде нов ангажман!

Поранешниот тренер на Челси, Лијам Росениор, денеска потпиша договор на две години со фудбалскиот клуб Париз.

Во април, Росениор беше отпуштен од Челси, каде што остана само четири месеци на Стамфорд Бриџ.

Пред да го преземе Челси, Росениор работеше како тренер на Стразбур, а сега ќе ја преземе улогата од Антоан Комбуаре, откако Париз ја заврши минатата сезона на 11-то место во Лига 1.

Тој ја започна својата тренерска кариера со младинскиот тим на Брајтон, пред да премине во Дерби Каунти, најпрвин како помошник на Вејн Руни, а потоа и како привремен главен тренер.

Во 2022 година беше назначен за главен тренер на Хал, водејќи го тимот до 15-то место во Чемпионшип во првата сезона, а потоа до седмото место во втората, но беше сменет откако тимот не успеа да се пласира во плеј-офот.

🚨⚪️🔵 ОФИЦИЈАЛНО: Лијам Росениор се враќа! Сите договори се потпишани со Париз ФК, како што беше најавено минатата недела.

Поранешниот тренер на Челси и Стразбур ги договори сите услови и се враќа во Лига 1. 🇫🇷 pic.twitter.com/2hnB89iwiV

— Fabrizio Romano (@FabrizioRomano) July 7, 2026