Децата на Марадона го добија спорот – Наполи не смее да ги користи специјалните дресови

Децата на Диего Армандо Марадона го добиле судскиот спор со Наполи за правата над ликот на Марадона и клубот доби забрана да ги користи специјалните дресови со славниот Аргентинец.

Наполи во продажба пушти лимитирано издание дресови со ликот на Марадона со отпечаток од прст и сакаа на тој начин да потенцираат дека Марадона е дел од идентитетот на клубот.

За такво нешто тие имаа потпишано договор со агентот на Марадона. Но немаа договор со петте деца на Марадона.

Тие го тужеа агентот Стефано Чечи затоа што никогаш не дале согласност за такво нешто и на крајот го добија судскиот спор.