Ендрик не сака да остане во Реал, следна станица ќе биде – Италија?

Бразилскиот напаѓач Ендрик не е задоволен од потенцијалниот развој по враќањето во Реал Мадрид и размислува повторно да го напушти „кралскиот” клуб.

Според последните информации, иако Гонзало Гарсија заминува во Фулам, доаѓањето на Јан Диоманд дополнително ја искомплицира неговата позиција и сега Бразилецот сака да си замине.

Тој на маса има понуда од Рома, бидејќи спортскиот директор Тони Д’Амико веќе отпатувал во Мадрид за да ја испита ситуацијата. Рома е подготвена за сите опции, позајмица со право на откуп или постојан трансфер по кој Реал Мадрид би имал право на возвратен трансфер по намалена цена.

Реал Мадрид сѐ уште одбива да го пушти, затоа што Гонзало Гарсија замина во Фулам, сепак, него го замени Карлос Еспи од Леванте во трансфер вреден 25.000.000 евра.