Легендарен кошаркар спаси возач од запален автомобил во Белград (Видео)

Поранешниот српски кошаркар Милан Гуровиќ извлече маж од автомобил кој се запали денеска околу 15 часот во Нов Белград.

Несреќата се случи на крстосницата на улиците Војводјанска и Душан Вукасовиќ, каде Гуровиќ од своето возило забележа автомобил кој нагло сврте, се запира, и наскоро почна да гори. Возачот, 48-годишниот М. Ј., е префрлен во Ургентен центар каде е утврдено дека нема потешки повреди, но вдишал чад. Видеото од пожарот може да го погледнете ТУКА.

Според информациите од теренот, возачот не можел сам да излезе од автомобилот бидејќи му се заглавил безбедносниот појас. Гуровиќ веднаш се приближил до возилото во пламени, го ослободил мажот и го извлекол на безбедно непосредно пред да се запали целиот автомобил. На интервенцијата беа излезени седум пожарникари со две возила, а причината за пожарот сѐ уште не е утврдена.