Гоце Седлоски нов тренер на Вардар!

Oд редовите на Вардар утрово потврдија дека Гоце Седлоски е нов шеф на стручниот штаб.

Седлоски во Вардар пристигнува на местото на Срѓан Захариевски и ќе биде четврти тренер од почетокот на сезоната.

„Вардар го назначи Гоце Седлоски за нов шеф на стручниот штаб на клубот“, потврди Вардар.

Горзад Михаилов, Гоце Петрески и Захариевски беа тренерите кои го предводеа Вардар од почетокот.

За Седлоски ова е враќање во Вардар каде што во минатото исто така беше тренер, а своевремено ја извршуваше и улогата на спортски директор.