Скандал на Светското првенство: Водителката во емисија удри по Доку и раѓањето на детето, доби казна која ќе ја памети

Француската спортска водителка Франс Пирсон беше суспендирана од телевизиската програма за време на Светското првенство поради контроверзни коментари за одлуката на Џереми Доку да, во случај на поклопување на термините, присуствува на раѓањето на своето прво дете.

Нејзините изјави предизвикаа силна јавна реакција и претворија спортска дискусија во широка општествена полемика за улогата на семејството во кариерата на професионалните спортисти.

Пирсон во емисијата рече дека играњето на Светското првенство е „привилегија која многумина никогаш не ја добиваат“, доведувајќи ја во прашање одлуката дали фудбалот треба да се стави пред семејниот момент, што предизвика бран критики.

Нејзиниот коментар дека „таткото нема посебна улога“ и дека е „само додаток“ предизвика најмногу критики, по што подоцна се извини и призна дека не сакала да ја намали улогата на татковците. Доку порано јасно истакна дека семејството му е приоритет во случај на временско поклопување, додека се очекува неговата сопруга да се породи почетокот на јули, во клучниот дел од турнирот.