Ѓорческа ќе игра против Шпанка во првото коло од квалификациите за Вимблдон

Лина Ѓорческа го дозна името на својата прва противничка во квалификациите за Вимблдон.

На стартот од квалификацискиот турнир, Ѓорческа ќе ги одмери силите со шпанската тенисерка Анхела Фита Болуда, која моментно е рангирана на 213. позиција на ВТА-листата. Тоа значи дека Болуда има предност од десет места во однос на македонската претставничка.

Шпанката зад себе има солидна сезона, во која настапи во четири финалиња на турнирите од понизок ранг, а успеа да освои една титула.