Вориорси играат шампионски – Кари постигна 50 поени! 🎥

Голден Стејт продолжува со одличната форма во новата сезона.

Изминатата ноќ Вориорси стигнаа до својата деветта победа во десеттиот натпревар во НБА. Сега беа подобри од Атланта со 127:113. Со ваквиот скор Голден Стејт се издвои на врвот на табелата на Западот со две победи повеќе од Јута и Далас.

Во натпреварот со Атланта се издвои Стеф Кари кој постигна неверојатни 50 поени и додаде уште 10 асистенции и 7 скока. Кари запиша и рекорд како најстар играч кој постигнал 50 поени.