Англиската репрезентација се соочува со проблем со составот пред почетокот на Светското првенство, бидејќи Тино Ливраменто поради повреда ќе го напушти тимот и ќе пропушти остатокот од турнирот.
Иако Фудбалската асоцијација на Англија сè уште не донесе официјално соопштение, британските медиуми известуваат дека 23-годишниот десен бек на Њукасл заработи повреда на листот. По ултразвучниот преглед, се потврдило дека станува збор за полесна повреда, но доволно сериозна за да го оддалечи од терените на неколку недели.
Земајќи го предвид овој период на закрепнување, селекторот на Гордите Албиони, Томас Тухел, решил Ливраменто да го напушти репрезентативниот камп и да се врати во Њукасл, каде што ќе ја продолжи својата рехабилитација и ќе се подготви за престојната сезона.
За неговата замена, Тухел ќе го повика дефанзивецот на Челзи, Трево Чалоба, кој беше во листата на резервисти за Светското првенство.
Оваа вест доаѓа во непријатен момент за Англија, ден пред првата средба на турнирот против Хрватска, во рамките на групата Л, која се игра в среда во Далас.
Учество во игри на среќа е дозволено за лица со 18+ години. Играј одговорно!