Официјално: Рубен Аморим е новиот тренер на Милан

Милан објави дека Рубен Аморим е новиот главен тренер на тимот. Тој го заменува Масимилијано Алегри, кој беше отпуштен по крајот на минатата сезона, откако “росонерите” не успеаја да се квалификуваат за Лигата на шампиони.

За 41-годишниот Португалец, ова е првата работа по неговото отпуштање од Манчестер Јунајтед во јануари. Аморим блесна поради успешниот престој во Спортинг помеѓу 2020 и 2024 година, кога го доведе тимот до две титули на Португалија. Еден од првите проблеми со кои стручњакот ќе треба да се справи е желбата на Рафаел Леао да го напушти клубот.

Со назначувањето на Аморим, во Милан се надеваат дека ќе започне нова ера во клубот. Во мај, заедно со Алегри, беа отпуштени спортскиот директор Игли Таре, извршниот директор Џорџо Фурлани и техничкиот директор Џофри Монкада. Ова се случи откако “росонерите” завршија на петтото место и изгубија место во Лигата на шампионите по многу слабиот последен дел од сезоната.