Македонскиот шампион Вардар без никакви проблеми славеше убедлива против Војводина со 38:25, па сега се наоѓа пред пласман на завршниот турнир во СЕХА лигата.
Зошто проблемот со улични кучиња СÈ УШТЕ постои? | Уште еден поткаст
Доминираше Вардар против Војводина од почетокот до крајот, но треба да се знае дека српскиот тим во Скопје допатува без некакви големи амбиции и со подмладен тим.
Таквата ситуација на теренот донесе само полесен тренинг за вардарци. Убедливиот триумф беше најавен уште во првото полувреме по кое Вардар водеше со 22:11. Во вторите 30 минути ништо не се промени на теренот и беше прашање само со колкава разлика ќе слави македонскиот претставник.
Јан Чувара беше најефикасниот кај Вардар со 10 гола, Куни Моралес постигна осум пет додаде Дутра, а со четири гола натпреварот го заврши Филип Талески. Треба да се истакне и Гогов на голот кој собра десет одбрани.
Покрај Вардар скоро пласиран на Ф4 е и Еурофарм Пелистер кој во Битола пред два дена го декласираше Татран Прешов со 37:29.
Фото: РК Вардар
Учество во игри на среќа е дозволено за лица со 18+ години. Играј одговорно!