Барди преговарал со ДЦ Јунајтед, но од трансферот се откажал во последен момент

Енис Барди пред извесен период се поврзуваше со трансфер во МЛС лигата и од Леванте потврдија дека македонскиот репрезентативец имал понуда од оваа лига, а сега е откриен и клубот кој бил во прашање.

„Ондасеро“ објави дека Барди имал договор со ДЦ Јунајтед, но во последен момент Барди се откажал од намерата да се пресели во МЛС.

Сега откако се откажал од намерата да се пресели „преку Атлантикот“ на потег е Олимпијакос кој влегол во завршни преговори со Македонецот.

Од најавите дека ќе си замине од Леванте Барди се поврзувше со повеќе клубови како Селта, Олимпик Марсеј, Торино, Брендфорд, се споменуваше и Галатасарај.