Родри за обвинувањата за корупција: „Тоа му нанесува штета на фудбалот“

Родри зборуваше за обвинувањата за корупција кои периодично се појавуваат во фудбалот, нагласувајќи дека ваквите наративи му нанесуваат штета на спортот.

„Мислам дека тоа му нанесува штета на фудбалот. Мораме да се обидеме да избегнуваме такви наративи“, изјави Родри за „COPE“.

Шпанскиот репрезентативец потсети дека грешките се дел од фудбалот и дека во текот на натпреварите некогаш една екипа може да биде оштетена, а во друг случај да има корист од одредена одлука.

„Ние сме луѓе и сите правиме грешки. Понекогаш сте во неповолна ситуација, а понекогаш не сте“, додаде тој.

Родри призна дека е нормално фудбалерите и клубовите да ги бранат своите интереси, но смета дека постои граница која не треба да се преминува.

„Во ред е да го браниш својот клуб и својата позиција – и јас сум го правел тоа неколку пати – но до одредена граница. Не се согласувам со тоа да се оди подалеку“, порача Родри.