Кејн за трката за „Златната топка“: „Мислам дека дефинитивно сум во конкуренција“

Хари Кејн зборуваше за трката за „Златната топка“ и за праксата фудбалерите јавно да лобираат за себе во борбата за престижната индивидуална награда.

„Секој има право да прави што сака во таква ситуација“, изјави Кејн.

Напаѓачот на Баерн Минхен призна дека освојувањето на наградата би било огромно достигнување за него.

„Би било неверојатно да ја освојам. Би бил исклучително горд. Мислам дека дефинитивно сум во конкуренција за освојување, без сомнение. Времето ќе покаже, гласачите ќе гласаат за оној што ќе го изберат“, додаде Англичанецот.

Кејн смета дека јавните настапи и интервјуа на кандидатите можат да влијаат врз дебатата во јавноста, но не е сигурен колкаво е нивното влијание врз самите гласачи.

„Дали тоа што другите кандидати даваат повеќе или помалку интервјуа има влијание? Очигледно има влијание во јавноста и врз дебатата околу наградата. Но, за самите гласачи не сум 100 отсто сигурен“, вели Кејн.

„Мислам дека гласачите ќе гласаат за оној за кој сметаат дека ја заслужува наградата. Тие ќе ги имаат информациите, статистиката и самите ќе донесат одлука“, заклучи Кејн.