Барди пред Фарски Острови: Утре да бидеме паметни и трпеливи

Македонија утре ја очекува натпревар против Фарски Острови, а изјава за медиумите пред овој дуел денеска даде Енис Барди.

Фудбалерот од средниот ред на Македонија порача дека мотивацијата не недостасува и таа секогаш е на највисоко ниво.

„Не ни недостасува мотивацијата и ќе дадеме се од себе од првата минута. Мислам дека ќе оствариме рекорд ако победиме во овој натпревар, а ќе биде убаво и да завршиме со победа на наш терен пред нашите навивачи, поголема мотивација од тоа нема.

Треба да бидеме паметни и трпеливи, знаеме против кого играме и дека ќе се бранат. Натпреварот таму ни беше знак дека секој противник е важен и не смеете да го потцените. Се тука по победите и психички сме на подобро ниво, па не интересираат само трите бода“, изјави Барди.