Алаба се сели во Серија А: Бира меѓу Милано и Торино

Иднината на Давид Алаба во Баерн Минхен е несигурна бидејќи договорот на играчот ситекува во 2021 година.

Алаба влезе во последната година од договорот, а се уште нема најави за негово продолжување, па би можел да ја промени средината ова лето.

Баерн не сака да го загуби 27-годишниот Австриец како слободен агент, па затоа сака да го продаде ова лето.

Интерес за Алаба покажуваа Реал Мадрид и Барселона, но германските медиуми тврдат дека сега во трката за неговиот потпис се приклучиле Интер и Јувентус.

Интересот на италијанските клубови е најконкретен и тие веќе стапиле во контакт со неговиот агент, а со оглед дека имаат одлични односи со Баерн се очекува брзо да стигнат до договор.

Алаба е заинтересиран за преселба во Италија, па Сари и Конте ќе водат голема битка за неговиот потпис.