Пике ќе мора да плати два милиони евра

Фудбалерот на Барселона ќе мора да и плати на данончната управа на Шпанија сума од 2.1 милион евра.

Во соопштението објавено денес се наведува дека судот ја потврдува претходната одлука и Пике ќе мора да ги подмири сите даночни обврски од 2009 и 2010 година поврзани за приходите од правата на неговите фотографии.

Пике се жалаше на првобитната одлука од 2016 година.

Неговата сопруга познатата поп пејачка Шакира исто така е под истрага поради наводно затајување на данок. Таа ги негираше обвинувањата.

Во последните години шпанскиот суд осуди бројни фудбалери поради проблеми со данокот, а помеѓу нив беа Лионел Меси и Кристиано Роналдо.