Неверојатно: Сакал да го сретне Роналдо, па потпишал за погрешен клуб

Кристијано Роналдо моментално е член на Ал Наср во Саудиска Арабија. Многу играчи сакаат да се сретнат со него на иста или спротивна страна, но еден играч направи голема грешка.

Кон крајот на 2022 година во Катар се одржа Светското првенство, а интересно е дека единствениот играч без клуб на тоа првенство беше Кристијано Роналдо.

Тој пред Мундијалот во оваа азиска земја се раздели со Манчестeр Јунајтед, и кариерата ја продолжи на Блискиот Исток.

Непосредно по завршувањето на Светското првенство, португалската ѕвезда потпиша договор со Ал Наср од Саудиска Арабија.

Така Кристијано Роналдо повлече со себе бран големи ѕвезди кои подоцна пристигнаа во оваа арапска земја.

Освен големите ѕвезди што пристигнаа во Саудиска Арабија, но и во лигите на соседните земји, дојдоа и многу играчи кои не се толку познати.

Јасно е дека многу играчи целат да се сретнат на теренот со Кристијано Роналдо било на иста или спротивна страна, но не се сите толку среќни.

Еден играч направи кобна грешка. Потпиша за еден клуб мислејќи дека ќе игра против Ал Наср, но го направи грешка.

Тиви Бифума знаеше дека Ал Наср игра со Естеглал во Лигата на шампиони во Азија, но не земал во предвид една многу важна работа.

Напаѓачот од Конго потпиша договор со Естеглал Хузестан кој е седми во иранското првенство.

Меѓутоа, против Ал Наср во Лигата на шампиони играше Естеглал ФК, кој се наоѓа на 11-то место во првенството на Иран.

Натпреварот помеѓу Естеглал и Ал Наср беше одигран на 22 октомври 2024 година и заврши со тесна победа на тимот на Кристијано Роналдо, со резултат 1:0.

Споменатиот напаѓач сè уште има договор со Естеглал Хузестан и тој трае до летото 2027 година.