Во центарот на вниманието беше ситуацијата со судирот на Васиљ и канадскиот напаѓач Тани Олувасеји, кога голманот од БиХ излета од голот и при интервенцијата го повреди противничкиот играч.
Аргентинскиот судија Факундо Раул не досуди прекршок за Канада, ниту покажа црвен картон за Васиљ, што предизвика многу реакции.
“Тоа е пенал и црвен картон. Голманот целосно ја промаши топката и го удри противникот во глава. Не знам зошто ВАР не реагираше,” истакна Руни.
Од друга страна, поранешниот англиски судија и стручен аналитичар за Би-би-си, Дарен Кан, не се согласи со поранешниот напаѓач на Манчестер Јунајтед.
“Прво и основно, беше досуден офсајд. Но, и да не беше офсајд, по мое мислење тоа не е ниту пенал, ниту црвен картон,” рече Кан.
Руни потоа дополнително го објасни својот став, нагласувајќи дека стартот на Васиљ бил исклучително опасен.
“Го удри го во слепоочницата, што е најопасното место за удар. Играчот може да изгуби свест, а последиците како потрес на мозокот можат да се појават и по неколку дена. Погледнете ја само положбата на неговиот врат, за мене тоа е чист црвен картон.”
Учество во игри на среќа е дозволено за лица со 18+ години. Играј одговорно!