(Видео) Eрменците грешеа, Костадинов казнуваше – Младинците повторно ја израдуваа Македонија!

Maкедонската младинска репрезентација денес од 17:00 часот одигра натпревар на гостински терен против селекцијата на Еремeнија.

Селекцијата до 21 година продолжи да ја радува македонската спортска јавноста, тие денес ја совладаа селекцијата на Ерменија со убедливи 0:3 во нивниот прв натпревар во квалификациите за Европското првенство.

Македонија беше подобриот противник на теренот иако и Ерменците имаа свои шанси. Хет трик за нашата селекцика постигна Тихомир Костадинов.

Првиот гол беше постигнат рано уште во осмата минута а во 26 минута веќе беше 0:2, резултат со кој се замина и на полувремето. И двата гола нашата селекција ги постигна после грешки во одбраната на домаќините.

Конечните 0:3 беа поставени во 72 минута.  Како што споменавме овој натпревар за Македонија беше прв, додека за селекцијата на Ерменија беше трет, претходно тие запишаа едно реми и една победа.