Манчестер Јунајтед и Челзи се „тепаат“ за ѕвездата на ПСВ

Манчестер Јунајтед и Челзи покажуваат силен интерес за играчот за врска на ПСВ, Ибрахима Сангаре.

Во договорот на 24-годишниот играч со ПСВ има откупна клаузула од 35 милиони евра. Холандскиот клуб не сака да го пушти играчот за сума помала од споменатата.

ПСВ го доведе Сангаре од Тулуз во 2020 година, и изминатата сезона тој запиша 49 меча и одигра одлично. Тој може да игра на повеќе позиции во средниот ред, но најдобар е како дефанзивец играч за врска.

Сангаре сака да се пресели во Премиер лигата, а Манчестер Јунајтед и Челзи веќе преговараат со неговиот агент.