Ниту Дел Боске, ниту Зидан или Анчелоти, за Карвахал најдобар тренер е – Лопетеги!

Висенте Дел Боске кој беше светски и европски шампион го воведе во репрезентацијата, во Реал шанса му даде Анчелоти, со Зидан беше три пати шампион на Европа, но за Карвахал најдобар тренер – Јулијен Лопетеги!?

Навистина неверојатна изјава, барем во овој момент со оглед дека Лопетеги не се задржа долго на „Сантијаго Бернабеу“

. Сепак, треба да се слушне и Карвахал. Соработуваше со Лопетеги во младинската и сениорската категорија на Шпанија и добро знае како го сфаќа фудбалот.

„За мене Лопетеги е најдобар тренер кого сум го имал. За жал, му недостасуваше малку среќа да остане подолго“, изјави Карвахал и продолжи:

„Начинот на кој го гледа фудбалот и како управува со групата на играчи според мене е оној начин на кој треба да се работи. Го зборував тоа и пред пристигне во Реал, ќе го кажам и сега кога е сменет и ќе го зборувам се додека не се појави подобар од него“, јасен беше Карвахал.