Жиру: Сонувам да го освојам Скудетото, ќе дадеме 200% од себе си

Францускиот напаѓач Оливие Жиру уште еднаш потврди дека е  многу среќен во Милан и сака да го освои Скудетото со „росонерите“.

Милан во моментов е прв на табелата во Серија А со три бода повеќе од второпласираниот Наполи.

„Интер се уште е во трката за титулата и ќе биде опасност исто како Наполи и Јувентус. Сфативме дека титулата е конкретна можност за нас, па ќе дадеме 200% до крајот на сезоната за да ја оствариме целта“, изјави Жиру.

„Титулата во Серија А ми е сон уште од детските денови. Како мал го следев Милан поради мојот омилен фудбалер Андреј Шевченко. Ќе бидам многу среќен ако станам шампион на Италија како него“, додаде Французинот, кој истакна дека сака долго да остане во Милан.