Гвардиола повторно за Силва: Погледнете ги снимките и ќе видите дека е најдобар

Од почетокот на тренерската кариера Пеп Гвардиола тренираше некои од најдобрите фудбалери во светот. Уште кога седна на клупата на Барселона веднаш доби силна екипа со која ја освои Шпанија, Европа и светот.

И додека го предводеше Баерн Минхен, тимот имаше квалитетни фудбалери, а исто е и со Манчестер сити каде што е веќе пет години.

Гвардиола даде интересен одговор на прашањето кој е најдобар во Премиерлигата, откако се одлучи за Бернардо Силва, таа изјава Пеп ја даде пред неколку дена, а сега доби и дополнително прашање да објасни зошто мисли така. Неговиот одговор беше краток.

„Најдобар е. И во сезоната кога освоивме 98 бодови пред две-три години, тој беше најдобар. Земете ги снимките и погледнете“, кажа Гвардиола.