Шанса за спас на кариерата: Стариџ на проба во Шпанија

Aнглискиот напаѓач Даниел Стариџ без клуб е повеќе од една година.

Стариџ последниот ангажман го имаше во дресот на Трабзонспор кој го напушти во март 2020 година. Исто така англискиот напаѓач доби четири месеци суспензија затоа што ги прекрши правилата за обложување.

Интересно е дека англискиот напаѓач „падна“ поради дојава за трансфер. Поради забраната со фудбал не можеше да се занимава до 17. јуни минатата година, сепак oд тогаш тешко му оди пронаоѓањето на нов ангажман.

Сега ќе добие шанса. Шпанските медиуми објавија дека Стариџ ќе оди на проба во Мајорка. Мајорка минатата сезона се врати во најсилниот ранг во шпанското првенство и сега се во фаза на формирање екипа за новата сезона.

Ќе потсетиме, македонскиот репрезентативец Александар Трајковски се уште е дел од Мајорка.