Дома Фудбал Останато Среќа, љубов, безгрижност: Дел Пјеро ја објасни култната фотографија со Зидан

Среќа, љубов, безгрижност: Дел Пјеро ја објасни култната фотографија со Зидан

Има ли посладок оброк од оној во доцните часови на улица, по враќање од излегување? Алесандро дел Пјеро и Зинедин Зидан го имаат одговорот. Заедно играа во Јувентус од 1996 до 2001 година, а за време на играчките денови беше направена култна фотографија во една пицерија. Зидан јаде пица, а Дел Пјеро ужива со својата девојка Соња.

Дел Пјеро во интервју за еден италијански весник објасни и како е направена фотографијата, како и што и претходело?

Пред шест години кога Зидан стана тренер на Реал Мадрид, Дел Пјеро ги обнови сеќавањата на фотографијата.

„Ситни часови од ноќта. Автопат Милан-Торино и мал локал за брза храна. Зизу, Соња и јас се враќавме од настан во Милано организиран од „Адидас“. Си заминавме без храна и шведска маса, сакавме да стигнеме побрзо дома. Сепак, гладот е глад. Застанавме, внатре немаше никој освен касиерката и готвачот. Зедовме парче пица, она што останува последно кога ќе дојдете доцна. Кората беше еластична како гума за џвакање. Бев побрз од Зизу, а госпаѓата на шанкот го правеше кафето. Мојот соиграч се уште беше фокусиран на пицата, а јас веќе имав друга занимација“, објасни Дел Пјеро и додаде:

„Фотографијата е направена од Џани Џанзанти. Тој скоро секогаш има фотоапарат со себе. Не позиравме, не ни очекувавме дека ќе слика. Но, тоа е една од моите најомилени фотографии. На не а има се: Љубов, пријателство, безгрижност, едноставност, нормалност, нежност, желба да бидеме заедно, чувство на среќа полно со живот“

Токму со оваа фотографија Дел Пјеро му честиташе на Зидан кога стана тренер на Реал Мадрид.

Коментари
Прочитајте поврзани статии
Load More In Останато

Проверете

Бразилски новинар го критикуваше Жесус: Португеса е поголем клуб од Арсенал!

Бразилскиот напаѓач Габриел Жесус пред неколку дена официјално беше претставен како ново з…