Србите удрија по Пикси: Во живот не сум видел некој полошо да води натпревар

Српската репрезентација им приреду уште едно разочарување на навивачите откако одигра реми со Камерун.

Србија прво губеше со 1:0, па дојде до 1:3, но дозволи Камерун да се врати во мечот со два брзи гола.

По ова реми на удар на јавноста е селекторот Пикси, а јавни критики до него ги испрати стручниот коментатор и аналитичар на „РТС“ Раде Богдановиќ.

„Ние денеска одигравме натпревар без селектор на клупата. Никогаш досега не сум видел некој полошо да води натпревар на големи натпреварувања како Драган Стојковиќ – Пикси денеска. Ужасно. Вие при резултат од 3-1, кога екипата ви се вратила со пресврт, да пуштите петмина на висок пресинг, десет минути да не знаете кој каде се движи и како е поставен а да играте на Светско првенство. Со излегувањето на Павловиќ се случи потоп. Тие измени кои ги правеше никој никогаш нема да ги разбере што сакал со нив“.