Спировски од 30 метри постигна страшен гол во првиот меч за АЕК Ларнака (ВИДЕО)

Македонскиот фудбалски репрезентативец Стефан Спировски пристигна во АЕК Ларнака пред речиси еден месец, а на неговиот прв меч постигна спектакуларен погодок од 30 метри.

АЕК Ларнака славеше со 2-0 против Докса во пријателски меч, а Спировски со „бомба“ го матираше македонскиот голман Дамјан Шишковски.

Македонецот го постигна својот гол пред крајот на првото полувреме, па без сомнеж покажа дека ќе биде квалитетно засилување за тимот од Кипар, каде што настапуваат уште Мојсов и Тричковски.

Спировски претходно настапуваше во Пелистер, Борац Чачак, Работнички, Берое, Вардар, Ференцварош, а пред да дојде во АЕК Ларнака го носеше дресот на Хапоел Тел Авив.