Дома Трансфер зона Се сеќавате на Федерико Македа? Може да заигра во соседството!

Се сеќавате на Федерико Македа? Може да заигра во соседството!

Aко им се верува на српските медиуми Црвена Звезда е пред доведување на поранешниот напаѓач на Манчестер Јунајтед, Федерико Македа.

Македа и претходно беше желба на Звезда, но тогаш трансферот не се реализираше меѓутоа сега изгледа тие ги договориле личните услови со италијанскиот фудбалер. Останува уште да се види дали ќе постигнат договор со неговиот клуб Панатинаикос.

Според информациите Македа се откажал од бараната плата 1.2 милиони евра и прифатил фиксни 500.000 евра со дополнителни 200.000 евра преку разни бонуси. Кога во прашање е оштетата наводно Панатинаикос за него бара еден милион евра.

Италијанецот кариерата ја започна во Лацио за брзо потоа да се пресели во младинската школа на Јунајтед каде што остана до 2014 година и одигра 19 натпревари и постигна четири гола. Во кариерата Македа играше уште за Сампдорија, КПР, Штутгарт, Бирмингем, Кардиф и Новара.

Од периодот во Манчестер најмногу се памети неговиот дебитантски гол против Астон Вила со кој донесе победа на Јунајтед во важен натпревар во трката за титулата.

Коментари
Прочитајте поврзани статии
Load More In Трансфер зона

Проверете

Интер не се откажува од Канте

Нголо Канте беше голема желба на Интер во летниот преоден рок, но „нероаѕурите“ не успеаа …