Челзи е подготвен да му го продаде на Манчестер Сити одличниот аргентински играч од средниот ред Енцо Фернандез (25) за соодветна цена, под услов да пред затворањето на преодниот рок успее дополнително да го засили тимот, пишува „Скај Спорт”.
Англиските медиуми наведуваат дека Сити и Челзи засега не преговарале, но Фернандез синоќа не беше во тимот во победата против Лутон во Лига купот.
Менаџерот на “сините” Џаби Алонсо по натпреварот изјави дека Фернандез е “добар професионалец” кој добро тренира и дека одлуката дали ќе биде на располагање за неделниот натпревар во Премиер лигата против Брајтон ќе биде донесена кога ќе се приближи натпреварот.
Да потсетиме, инсајдерот Николо Шира претходно оваа недела напиша дека Фернандез сака да го напушти клубот и дека побарал трансфер во Сити.
Аргентинецот наводно веќе ги договорил личните услови со Сити и треба да потпише до 2032 година.
Во Сити се уверени дека можат да ја завршат зделката со Челзи вредна 130.000.000 евра.
Фернандез дојде во лондонскиот клуб во јануари 2023 година од Бенфика, за тогаш рекордна сума од 121.000.000 евра за британските клубови, а договорот со “сините” му трае до 2032 година.
Во случај на заминување на Фернандез, Челзи разгледува неколку опции за зајакнување на средниот ред.
Меѓу нив се Алекс Скот од Борнмут и Адам Вортон од Кристал Палас, иако нивните клубови не сакаат да ги продадат. Се шпекулира и за Едуардо Камавинга, кого Реал Мадрид наводно сака да го продаде под одредени услови…
Учество во игри на среќа е дозволено за лица со 18+ години. Играј одговорно!