Ждрепката ги спои Македонците: Неколку „македонски дербија“ во Конференциската лига! (ФОТО)

По денешната ждрепка, познати се сите противници на македонските фудбалери кои ќе настапуваат во лигашката фаза од Конференциската лига на УЕФА.

Најатрактивни натпревари го очекуваат Елиф Елмас, кој со Аталанта ќе биде домаќин на Пафос, Кајсери и Мјалби. Италијанскиот тим, пак, ќе гостува кај Ајакс, Борац Бања Лука и Рига.

Езгјан Алиоски и Лугано добија шест интересни противници. Швајцарскиот состав ќе игра со Црвена Звезда, Копенхаген и Сент-Труден, а во останатите дуели ќе се соочи со Хетафе, Каунас Жалгирис и Јаблонец.

Во дресот на Црвена Звезда ќе настапува Матеј Гаштаров, кој заедно со белградскиот клуб ќе ги одмери силите со Копенхаген, Гент, Трабзонспор, Лугано, Интер Ескалдес и Иберија Тбилиси.

Висар Муслиу со Сент-Труден ќе има тешка задача во лигашката фаза. Негови противници ќе бидат Ајакс, Мјалби, Бран, Лугано, Иберија Тбилиси и Хајдук Сплит.

Елмин Растодер и Панатинаикос ќе се соочат со Брајтон, Фрајбург, Борац Бања Лука, Кајрат Алмати, ЦСКА Софија и Нордсјеланд.

Македонска пресметка со силни европски ривали очекува и Борац Бања Лука, каде што настапуваат Себастијан Херера и Дамјан Шишковски. Нивниот тим ќе игра против Аталанта, Панатинаикос, КуПС, Хартс, Рига и Мјалби.

🚨 Conference League Fixtures are Set!

💥 Matchday 1 on Thursday, 15 October! pic.twitter.com/s8EJYBM4d1— Football Rankings (@FootRankings) August 28, 2026