Се поблиску до својата цел: Марко Пејчиновски седми пат го исплива соло маратонот во Охридското езеро

Марко Пејчиновски продолжи со својата традиција и летово седми пат во соло маратон го преплива охридското езеро.

16-годишниот Марко исплива 24 километри на патеката Радожда – Трпејца – Градиште. Подвигот го заврши за шест часа и 52 минути. Неговата цел ова лето е десет пати да ја преплива оваа делница, со што ќе комплетира околу 250 километри вкупно.

На пристигнувањето во кампот Градиште Пејчиновски беше дочекан од присутните со поздрави и аплаузи.