Рамос се понуди на Реал. Перез брзо му испрати одговор

СЕРХИО РАМОС (38) наводно му се понудил на Реал Мадрид.

Клубот од Мадрид има големи проблеми со повредите на стоперите и итно ќе реагира во јануари.

Рамос е без клуб од летото откако му истече договорот со Севиља. Се споменуваше интересот на Бока Јуниорс, но сега Шпанците наведуваат дека легендарниот дефанзивец со задоволство би се вратил да му помогне на Реал. Флорентино Перез му испрати експресно одбивање.

Давид Алаба е повреден подолго време, а Реал до крајот на сезоната не може да смета ниту на Едер Милитао.

Од претходно до крајот на сезоната отпадна и десниот бек Дани Карвахал. Рамос е легенда на Реал Мадрид и на шпанската репрезентација. Освои се што можеше да се освои во неговата клупска и репрезентативна кариера. За Реал одигра 671 натпревар.

Според новинарот Серхио Лопез, Реал одлучил да не го доведе Рамос, но дефинитивно ќе донесе стопер во јануарскиот преоден рок за да ја пополни дупката создадена по повредата на Бразилецот.

Раководството на клубот го намали изборот на три имиња: Лапорте од Ал Наср, Кастело Лукеба од РБ Лајпциг и Џонатан Тах од Баер Леверкузен.