Дома Фудбал Италија Почнува Серија А: Време ли е за крај на црно-белата доминација? Кој ќе се бори за топ 4?

Почнува Серија А: Време ли е за крај на црно-белата доминација? Кој ќе се бори за топ 4?

Јуве и Интер се главни фаворити за титулата оваа сезона во Серија А. Но интересно ќе биде да се следи трката за пласман во Лигата на Шампиони каде фаворити се Милан, Наполи, Лацио, Аталанта и можеби Рома.

Милан ја заврши минатата сезона исклучително силно, на еден неверојатен начин. Толку добро одигра Милан што на Стефано Пиоли му беше даден одличен нов договор за новата сезона и покрај замената што изгледаше како сигурна во јуни.

Тоа што го задржија Златан Ибрахимовиќ уште една година е огромно засилување, додека доаѓањето на Сандро Тонали изгледа како одличен чекор за тимот, за оваа сезона но и за годините што доаѓаат.

Друг менаџер кој се подготвува за прва целосна сезона на чело на својот тим е поранешниот шеф на Милан, Гатузо, кој го додаде Виктор Осимен во неговиот тим, Наполи. Дали можат да се спротивстават на најдобрите четири, зависи од тоа како ќе се справат со недостатокот на длабочина во средниот ред, предизвикан од загубата на Алан и дали некој друг ќе го следи Бразилецот на излезната врата, а има најави за нешто такво. Од таа гледна точка, Гатузо многу повеќе ќе се потпре на квалитетот на македонскиот репрезентативец Елмас кој сезонава се очекува да добие голема минутажа.

Нема многу што да се избере помеѓу Наполи (46%), Лацио (43%) и Милан (38%) според процентот на шансите кој го одредија букмејкерите околу прашањето кој може да заврши во Топ 4 на крајот од сезоната. Но коефициентот за Лацио кој е околу 2.20, плус знаењето дека овој тим беше многу блиску до трката за титулата минатата сезона – сепак ги прави најпримамливи.

Коментари
Прочитајте поврзани статии
Load More In Италија

Проверете

Изјавата на Ибрахимовиќ по победата над Јувентус која тогаш звучеше смешно

Златан Ибрахимовиќ игра фантастично и го предводи Милан кој во овој момент лидер на табела…