Бразилскиот напаѓач Габриел Жезус ќе го напушти Арсенал, но ќе остане во Англија. Кариерата најверојатно ќе ја продолжи во Ипсвич.
Габриел Жезус реши да го напушти Арсенал по четири години. Бразилецот сака да игра повеќе, Микел Артета тоа не може да му го понуди и тој ќе го напушти клубот до крајот на преодниот рок.
Минатите денови пропаднаа преговорите за трансферот во Наполи. На крај, 29-годишниот фудбалер ќе остане во Англија и најверојатно ќе стане нов член на тимот на Ипсвич.
Според најавите од Островот, фудбалерот одбра опција да замине во овој клуб. Наскоро сè треба да биде завршено и тој ќе го облече синиот дрес на овој клуб.
Исто така, во игра е и Евертон. Сепак, тимот од Ливерпул моментално е во ‘заостанување’ во борбата за неговиот потпис и Жезус ќе биде апсолутна ѕвезда на тимот во Ипсвич.
Цената нема да биде превисока. Вредноста на Бразилецот е само 17 милиони евра, а влегува во последната година од договорот и сумата едноставно не може да биде голема.
Учество во игри на среќа е дозволено за лица со 18+ години. Играј одговорно!