Веста стигнува по настаните кои последниве денови привлекоа големо внимание на фудбалската јавност.
Џамал Мусиала нема да биде во составот на Баерн за саботниот дуел против Борусија Дортмунд, објави угледниот германски весник “БИЛД”.
Станува збор за натпреварот од Суперкупот на Германија, а одлуката е поврзана со здравствената состојба на 23-годишниот германски репрезентативец.
Мусиала за само неколку дена двапати доживеа загрижувачки ситуации на теренот. Прво се сруши за време на пријателскиот натпревар против РБ Лајпциг, а потоа истото се случи и во дуелот со Хајденхајм.
По вториот инцидент, Мусиала се огласи преку социјалните мрежи и сам објасни што му се случува. Тој откри дека му е дијагностицирана невролошка дисфункција која предизвикува кратки и привремени епизоди на отсутност.
Поради сè што се случи, Баерн одлучи дека Мусиала ќе го пропушти претстојниот натпревар против големиот ривал од Дортмунд. “БИЛД” наведува дека одлуката ќе биде официјално потврдена на прес-конференцијата на тренерот Винсент Компани.
Учество во игри на среќа е дозволено за лица со 18+ години. Играј одговорно!