Последниот гол во кариерата на големиот Адуриз беше спектакуларен (ВИДЕО)

Големиот Артиз Адуриз, легендата на Атлетик Билбао вчера ги растажи фудбалските фанови објавувајќи крај на кариерата.

Адуриз се повлекува поради серизоната и хроночна повреда на колкот, тој ќе мора да стави протетски дел и затоа нема да биде во можност да ја заврши сезоната по нејзиното продолжување. Нема да биде дел ниту од големото финале во шпанскиот куп против лутиот ривал Реал Сосиедад.

Тер Штеген неодамна изјави дека Адуриз бил еден од најнезгодните напаѓачи против кој играл, а судбината сакаше токму голот на отварањето на оваа сезона кој го постигна против германскиот голман да биде негов последен во кариерата. И тоа беше навистина спектакуларен гол.

Адуриз се повлекува на 39 години, а во кариерата го носеше дресот уште на Мајорка, Валјадолид и Валенсија, има и неколку настапи за репрезентацијата на Шпанија.