Официјално: Матуиди стави потпис на нов договор

Објавено на 20:30, 01 април

Тоа што се најавуваше изминатите дениви сега доби официјална потврда – Блас Матуди ја продолжи соработката со Јувентус.

Актуелниот договор на Матуиди истекуваше на крајот на сезоната, а со новиот договор Французинот ќе остане во Торино и следната сезона.

Договорот е потпишан на 14 февруари, пред прекинот на натпреварувањето во Серија А поради пандемијата на коронавирусот, но денес „старата дама“ официјално го потврди.

Матуиди е еден од тројцата заболени играчи на Јувентус кои се заразени од коронавирусот и останува во карантин до целосно оздравување.