Поранешниот играч на Ливерпул останува во Англија, но нема повеќе да носи црвен дрес.
На Лалана му истече договорот со Црвените и беше јасно дека ќе го напушти шампионот, а брзо стигна и веста дека кариерата ќе ја продолжи во Брајтон.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Тренерот на овој тим Грем Потер вечерва со пофални зборови зборуваше за новото и звучно засилување.
„Нема никаков сомнеж за квалитетот на Адам. Играше на највисоко ниво, и за клубот и за земјата, и постигна многу. Покрај техничките квалитети, има богато искуство и човечки квалитети.“ – изјави Потер.
Лалана потпиша договор на три години и нема сомнение дека ќе биде големо засилување за Брајтон.
Тој претходните шест години ги помина во Ливерпул, а пред тоа беше член на Саутемптон. За англиската репрезентација запиша 34 настапи и постигна три погодоци.
Учество во игри на среќа е дозволено за лица со 18+ години. Играј одговорно!