На сите проблеми на Баерн само уште ова му „требаше“

Нов целосно неочекуван проблем за Баерн Минхен.

Фудбалерите на Баерн во сабота ќе се обидат да ја прекинат негативната низа на домашен терен и да слават на „Алијанц Арената“ после скоро три месеци.

Последен пат Баерн на домашен терен во германското првенство славеше на 15-ти септември и од тој момент три пати ремизираше и доживеа пораз од Борусија Менхенгладбах.

Прилика да ја прекинат оваа низа фудбалерите на Баерн ќе имаат во сабота кога на „Алијанц Арената“ гостува Нирнберг.

Сепак, Баерн пред оваа средба се соочува со неочекуван проблем.

Целосно неочекувано за клуб каков што е Баерн, но се случи – „Алијанц Арената“ не е во добра состојба.

„Билд“ пишува дека компанијата „СГЛ“ која од 2009 година го одржува тревникот на стадионот на Баерн веќе превземала одредени чекори и поставила емитори на инфрацрвени зраци за тревата што побрзо да се подобри.

Комбинацијата од лед светла и инфрацрвени зраци би требало да помогнат тревникот што побрзо да се опорави и тревата побрзо да порасне.

Во Баерн се уште немаат одговор зошто подлогата е во лоша состојба, но сигурно дека ќе направат се за тревникот до натпреварот со Нирнберг биде во најдобра можна состојба.