Јамал го повика Чоло: “Може ли да направи една услуга за мене…”

Фудбалерите на Барселона ќе гостуваат кај Атлетико Мадрид на “Метрополитано” во вторник од 21:00 часот во возвратниот натпревар од четвртфиналето на Лигата на шампионите.

Во Барселона се гладни за одмазда, а Ламин Јамал како прва ѕвезда на тимот – особено.

Се појави на прес-конференцијата пред натпреварот во нешто поинакво издание – со очила за вид. Можеби се само скап моден додаток… Во секој случај, е оптимист и нема причина да не биде.

“Мислам дека сме млад тим, сите се подготвени и тоа го покажавме низ сезоната. Мораме да работиме што сме го работеле цела година. Бориме се за овој грб и ќе се обидеме да бидеме во полуфиналето.

Мораме да играме како што знаеме. Интензитет, без губиток на посед. Немојте да мислите дека е чудо ако се вратиме. Точно е дека почнуваме со заостанување од два гола, но мораме да одиграме како што умееме,” започна младиот Шпанец.

Јамал беше прашан за одговорноста што ја носи како млад играч во овој тим.

“Среќно, играм за Барса и има висококвалитетни играчи. Не мислам дека сè се врти околу мене. Имаме многу играчи кои можат да влијаат на играта”.

Свесен е колку им штетеше Атлетико оваа сезона.

“Точно е дека нè елиминираа во Купот на кралот. Барса веќе долго време ја брка Лигата на шампионите и постои голема шанса да одиме понатаму. Ќе дадеме сè од себе за тоа да се случи”.

А потоа следеше повикот до Чоло Симеоне, со насмевка.

“Се чувствувам многу добро, се радувам на натпреварот. Мотивиран сум за него. Се надевам дека можам да направам разлика… Можеби Чоло да ми направи услуга и да ме остави во ситуации еден на еден со некој играч”, наведе.