Меси може да игра со заштитна маска на лицето и тоа нема да му биде прв пат (ФОТО)

Фудбалерите на Барселона вчера на гостински терен го победија Манчестер Јунајтед со 1:0 во првиот натпревар од четвртфиналето во Лигата на шампионите.

Одлучувачкиот момент во вчерашниот натпревар се случи во првото полувреме кога Лук Шо си ја погоди сопствената мрежа. Но, уште еден детал кој го обележа натпреварот е повредата на Меси која ја заработи после дуелот со Крис Смолинг.

Smalling challenge in Messi pic.twitter.com/RIVUOFaHcO

— GOAT ? (@messigoalss) April 10, 2019

Меси доби жесток удар во лицето од Смолинг поради што остана раскрварен да лежи на теренот. Откако му беше укажана лекарска помош Меси го продолжи натпреварот и ги одигра комплетните 90 минути, но не ризикуваше премногу и не влегуваше во силни дуели.

Шпанските медиуми пренесуваат дека Меси покрај повредата на носот заработил повреда и на левото око и дека е поради тоа е под знак прашалник за реваншот кој ќе се игра во среда на „Ноу Камп“.

Јасно, во Барселона сите веруваат и очекуваат нивниот најдобар играч да ги предводи на домашен терен против „црвените ѓаволи“.

Како што се пишува не е сигурно ни дали Валверде ќе ризикува со Меси во натпреварот од шпанското првенство за викендот против Хуеска.

Наводно, постои и опција Меси да истрча на теренот со заштитна маска на лицето. Интересно е што на Меси тоа нема да му биде прв пат да игра со таков додаок. Претходно маска носел додека бил дел од младинските категории на Барселона.