Манчини ќе ги изненади Италијанците пред натпреварот со Македонија?

Репрезентацијата на Италија во јунскиот циклус нема натпревари во нашата група ц, но на 9-ти септември Италијанците ќе го гостуваат во Скопје, додека во јуни ќе се сретнат со Шпанија во Лигата на Нации.

Италијанските медиуми денес шпекулираат дека селекторот Роберто Манчини подготвува изненадување во составот.

Според последните информации, Манчини има намера за натпреварот против Македонија да го повика бразилскиот фудбалер Лукас Питон кој настапува во дресот на Васко Де Гама, во овој клуб пристигна пред неколку месеци од Коринтијас.

Станува збор за фудбалер кој има само 22 години и кој важи за еден од најдобрите стопери во Бразил, меѓутпа има италијанско потекло и нема никаков проблем да ја прифати понудата од Манчини да го носи дресот на „Аѕурите“.