Трагикомедија во Италија: Про Пјаченца играше со седум фудбалери, загуби 20:0

Фудбалскиот натпревар од италијанската Серија Ц, Група А, помеѓу Кунео и Про Пјаченца стана вест на денот не само на Апенините, туку во цела Европа.

Имено, овој натпревар ќе влезе во историјата бидејќи домаќините победија со несекојдневен резултат 20:0.

Про Пјаченца ја минува најтешката сезона во историјата, поради неисплатени плати речиси сите играчи го напуштија клубот, а последните три меча Про Пјаченца ги изгуби без борба со 3:0 што според правилата уште едно неизлегувањена теренот значи автоматска суспензија и исфрлување во најнизок ранг.

За да го сочува третолигашкиот статус, мечот го одигра со само седум тинејџери, кои денес на гостувањето загубија со неверјатни 20:0.

Sempre più assurdo quanto accade in #LegaPro… ecco come la #ProPiacenza, oggi, affronterà il #Cuneo.

P.S. Allenatore: vedi capitano (classe 2000)… pic.twitter.com/4a4gbaFkwb

— Matteo Migliori (@MatteMiglio10) February 17, 2019

Про Пјаченца за овој меч дошла само со 8 тинејџери на возраст од 16 до 19 години, но едниот од нив, Исуфи ја заборавил личната карта па не можел да влезе на терен. Кога се вратил во 64-та минута веќе беше 17:0 за Кунео.

Имено, Кунео кој целата сезона има постигнато само 18 гола, уште во првото полувреме постигна 16, а најмногу се истакна Хишам Канис, кој постигна дури шест гола.

Домашните фудбалери го намалија темпото во второто полувреме и постигнаа само четири погодоци. На клупата на Пјаченца немаше ниту тренер, ниту физиотерапевт, ниту измена. Капитенот, кој има само 19 години беше пријавен и како тренер на тимот од Пјаченца.